काठमाडौँ, २०७९ साल पुस २९ गते । दाङ्ग जिल्लाको राप्ती गाउँपालिका क्षेत्रमा पर्ने पूर्व–पश्चिम राजमार्गको २२ किमि सडक खण्ड छेउछाउका करिब १,५०० रुख काटिएको जानकारी एमसिए–नेपाल प्राप्त भएको छ । उक्त कार्यमा एमसिए–नेपाललाई जोडेर केही सञ्चार माध्यममा प्रकाशित समाचारप्रति हाम्रो ध्यानाकर्षण भएको छ ।
रुख कटान गरिएको क्षेत्र एमसिए–नेपालको सडक मर्मत आयोजनाको कार्यक्षेत्रमा पर्दछ । उक्त कार्य एमसिए–नेपाललाई कुनै पनि जानकारी नदिई एवं परामर्श नगरीकनै गरिएको थियो । उक्त कार्य नेपालको वातावरणसम्बन्धी ऐन कानुन तथा हाम्रो वातावरणीय निर्देशिकासँग पनि प्रत्यक्ष रूपमा विपरित रहेको छ ।
उक्त घटनाबारे जानकारी पाउनेबित्तिकै एमसिए–नेपाल र एमसीसीका अधिकारीहरू उक्त स्थानको स्थलगत निरीक्षणमा गई स्थानीय अधिकारीहरूलाई भेट्नुका साथै आगामी कदमबारे निर्णय लिनका लागि प्रभावित खण्डको समीक्षा पनि गदैँछौँ ।
