नेपालका लागि संयुक्त राज्य अमेरिकाका नवनियुक्त राजदूत महामहिम श्री डिन थम्पसनले २०७९ साल मङ्सिर २ गते मिलेनियम च्यालेञ्ज एकाउण्ट नेपाल विकास समिति (एमसिए–नेपाल) कार्यालयको भ्रमण गर्नुभएको छ।
एमसिए–नेपालका कार्यकारी निर्देशक श्री खड्ग बहादुर विष्टले उहाँको स्वागत गर्नुका साथै एमसीसी नेपाल कम्प्याक्ट कार्यक्रम अन्तर्गत कार्यान्वयन हुन लागेका विद्युत् प्रसारण आयोजना तथा सडक मर्मत आयोजनासम्बन्धी तयारी कार्यहरूबारे जानकारी गराउनुभएको थियो।
यसैगरी नेपालस्थित अमेरिकी राजदूतावासका नवनियुक्त नियोग उप–प्रमुख श्री जेसन पी. मिक्सले पनि यही मङ्सिर २० गते एमसिए–नेपाल कार्यालयको भ्रमण गर्नुभएको थियो।
