एमसिए–नेपालले विद्युत् प्रसारण आयोजना अन्तर्गत आयोजना सहायता सम्झौतामा २०८० साल जेठ १६ गते नेपाल विद्युत् प्राधिकरण (नेविप्रा) सँग हस्ताक्षर गरेको छ।
उक्त सम्झौतामा एमसिए–नेपालका कार्यकारी निर्देशक श्री खड्ग बहादुर विष्ट र नेविप्राको प्रसारण महाशाखाका उप–कार्यकारी निर्देशक श्री दीर्घायुकुमार श्रेष्ठले नेविप्राका कार्यकारी निर्देशक श्री कुलमान धिसिङ्गको समुपस्थितिमा हस्ताक्षर गर्नुभएको थियो।
विद्युत् प्रसारण आयोजनाको उद्देश्य नेपालको विद्युतीय ग्रीडमा विद्युत् आपूर्तिको उपलब्धता र भरपर्दोपनामा सुधार गर्नुका साथै ऊर्जा व्यापारलाई सहजीकरण गरी विद्युत् उपभोगमा वृद्धि गर्नु हो।
