२०७९ चैत ९
एमसिए–नेपालले विद्युत् प्रसारण आयोजना अन्तर्गत तीन वटा सबस्टेशन निर्माणका लागि २०८० साल असार १५ गतेको समयसीमा सहित बोलपत्र आह्वान गरेको छ।
एमसीसी नेपाल कम्प्याक्ट अन्तर्गत नुवाकोट जिल्लाको रातमाटे, तनहुँ जिल्लाको दमौली र नवलपरासी (बर्दघाट सुस्ता पश्चिम) जिल्लाको भुमहीमा ४०० केभी क्षमताका सबस्टेशन निर्माणका लागि इच्छुक निर्माण व्यवसायीहरूबाट बोलपत्र आह्वान गर्दै २०७९ चैत १० गते खरिदसम्बन्धी सार्वजनिक सूचना प्रकाशित गरिएको थियो।
छनोट प्रक्रियाबाट छानिएका कम्पनीलाई सबस्टेशनको डिजाइन, आपूर्ति, जडान, परीक्षण र कार्य सम्पन्नतासम्बन्धी सम्पूर्ण कार्यको जिम्मेवारी दिइनेछ।
एमसीसी कार्यक्रम खरिद मार्गनिर्देशिकामा निर्धारण गरिएको गुणस्तर तथा मूल्यमा आधारित छनोट प्रक्रियाका आधारमा सञ्चालन गरिने बोलपत्र छनोट प्रक्रियामा सम्पूर्ण योग्य निर्माण व्यवसायीहरू सहभागी हुन पाउँछन्।
बोलपत्रसम्बन्धी सम्पूर्ण कागजपत्र इच्छुक योग्य निर्माण कम्पनीहरूले MCANepalPA@mcanp.org लाई बोधार्थ दिई MCANepalPA@dt-global.com मा अनुरोध गरेर प्राप्त गर्न सक्छन्।
