एमसिए–नेपालले आज २०८० साल जेठ ८ गते प्रसारण लाइन निर्माणका लागि परेका बोलपत्र खोलेको छ।
निर्धारित समयसीमाभित्र प्राप्त छ वटा बोलपत्र विभिन्न निर्माण कम्पनीको उपस्थितिमा खोलिएको थियो।
मेघा इञ्जिनियरिङ एण्ड इन्फ्रास्ट्रक्चर लिमिटेड र पावर मेक प्रोजेक्ट्स लिमिटेडको संयुक्त, कल्पतरु पावर ट्रान्समिसन लिमिटेड, केईसी इण्टरनेशनल लिमिटेड, ट्रान्सरेल लाइटिङ लिमिटेड, टाटा प्रोजेक्ट्स लिमिटेड र लार्सन एण्ड टर्बो लिमिटेडबाट बोलपत्रहरू प्राप्त भएका छन्। उक्त कार्यक्रमको निर्णय पुस्तिका एमसिए–नेपालको वेबसाइटमा प्रकाशित गरिनेछ।
